Ákvörðun um frekari leit að Rimu Grunskyté Feliksasdóttur verður ekki tekin fyrr en á nýju ári. Þetta segir Sveinn Kr. Rúnarsson, yfirlögregluþjónn hjá lögreglunni á Suðurlandi. Hann segir engar nýjar upplýsingar hafa komið fram við rannsókn málsins síðustu daga, en ekki eru taldar líkur á að Rima finnist á lífi.

Hennar hefur verið saknað frá því 20. desember. Talið er að hún hafi fallið í sjóinn við Dyrhólaey en Þar fannst bíll hennar. 

Þrátt fyrir að skipulögð leit hafi ekki farið fram síðustu daga hafa björgunarsveitarmenn nýtt tækifærið og leitað þess á milli, að sögn Davíðs Bjarnasonar upplýsingafulltrúa Landsbjargar. Ellefu björgunarsveitarmenn frá björgunarsveitunum Víkverja í Vík og Lífgjöf í Álftaveri leituðu Rimu í dag en leit lauk án árangurs um klukkan fjögur.

Frétt af mbl.is

Leitin enn engan árangur borið

Davíð segir að björgunarsveitir nýti þau tækifæri sem gefist til leitar, en vindur og mikið brim hefur gert björgunarsveitarmönnum erfitt fyrir að athafna sig við strandlengjuna.

Tengdar fréttir

Leit að Rimu við strandlengju Suðurlands

Formlegri leit að Rimu hætt

• Leita betur þegar veður leyfir
• Ómögulegt að segja hvort Rima finnist
• Björgunarsveitirnar gefa ekki upp vonina
• Síðasta stóra leitin að Rimu í dag

» Fleiri tengdar fréttir

• Blogga um frétt