Kennarar rægðir á lokuðum síðum

Á þingi Kennarasambandsins sem lauk í gær var samþykkt tillaga um aðgerðir til að sporna við ofbeldi í garð kennara. Jafnframt var samþykkt ályktun um stafrænt ofbeldi í garð kennara.

Í þeirri síðarnefndu er lögð áhersla á að skólasamfélagið sé meðvitað um þau áhrif sem nafnbirtingar og upptökur eða frásagnir af kennurum hafi á líðan, álag og vinnuumhverfi kennara og jafnvel fjölskyldur þeirra.

Auðvelt sé að slíta kennsluefni og nálgun kennara úr samhengi og bendla þá við skoðanir sem eigi ekki við rök að styðjast. Þá er rakið að kennarar séu miskunnarlaust rægðir á lokuðum síðum á samfélagsmiðlum og þeir upplifi sig varnarlausa, beitta misrétti og að ekki sé borin virðing fyrir þeim sem fagmönnum.

Nánar í Morgunblaðinu.