Segir ekki rétt að verkfallsboðun sé ólögmæt
Setja bókamerki
Sólveig Anna Jónsdóttir, formaður Eflingar, segir að það hafi verið meðvituð ákvörðun að senda ekki inn tilgreind gögn um verkfallsboðun til ríkissáttasemjara og SA í gær. Ákveðið hafi verið að bíða þar til atkvæðagreiðslu um verkbann hjá SA lýkur. Hún hafnar því að verkfallsboðunin sé ólögmæt.
„Ég tók ákvörðun um að bíða með þessar (verkfalls)boðanir þar til niðurstaða var komin frá SA um verkbönn,“ segir Sólveig Anna. Hún segir að Efling hyggist funda í kvöld um stöðuna eftir að niðurstaðan hjá SA liggur fyrir. „Við teljum mjög líklegt að verkbönn verði samþykkt og verkföllin sem eru fyrirhuguð eiga að hefjast á svipuðum tíma,“ segir Sólveig Anna.
Hún segir að Efling telji það ekki standast að verkfallsboðunin sé ólögmæt þrátt fyrir að gögn hafi ekki borist í tíma að mati SA og ríkissáttasemjara. Segir í tilkynningu frá SA að kjósa þurfi að nýju um verkfallið en Sólveig hafnar því.
„Það er ekki rétt að þetta sé ólögmæt verkfallsboðun,“ segir Sólveig Anna. Segir hún að Efling sendi gögnin sem um ræðir á morgun ef samninganefnd Eflingar kemst að þeirri niðurstöðu á fundi sínum í kvöld .
Rannsóknin skýrist með hverjum degi
Tveir í haldi grunaðir um mansal og smygl á fólki
Hefði ekki lagst gegn samþykkt sáttmálans
740 milljón króna sígarettusmygl
Fjármögnun alríkisins enn í óvissu
Björninn sagður nálægt byggð
Quang Le: „Rottuskíturinn kom mér á óvart“