Greiðslubyrði af 40 milljóna króna óverðtryggðu íbúðaláni til 40 ára mun hafa hækkað úr tæplega 151 þúsund krónum í apríl 2021 í tæplega 305 þúsund krónur, eftir að síðasta vaxtahækkun Seðlabankans hefur skilað sér í útlánavöxtum bankanna, ef hún skilar sér að fullu.

Þetta kemur fram í útreikningum sem Kári Friðriksson, hagfræðingur hjá Húsnæðis- og mannvirkjastofnun (HMS), gerði fyrir Morgunblaðið.

Tímabilið nær fram fyrir fyrstu vaxtahækkun Seðlabankans í þessari lotu alls tólf vaxtahækkana.

Að sama skapi hafi greiðslubyrði af verðtryggðu íbúðaláni til 40 ára hækkað úr 128.700 krónum í 157.600 krónur. Það sé fyrst og fremst vegna verðbóta, enda hafi vextir verðtryggðra íbúðalána hækkað minna.

Lesa má meira um málið í Morgunblaðinu í dag. 

Tengdar fréttir

Vextir á Íslandi

Telur forsendur fyrir vaxtalækkun

• Arion banki hækkar vexti
• „Á réttri leið en nokkuð í land ennþá“
• „Skýr skilaboð til Seðlabankans“
• „Okkur miðar í rétta átt“

» Fleiri tengdar fréttir