Hitabylgja á Bretlandi gæti haft áhrif á Íslandi

Óvenju hlýir vorvindar sem eru á leið til Bretlandseyja sunnan frá Afríku gætu hugsanlega leitt til hlýinda, en þó einnig meiri rigningu, hér á landi, að því er vakthafandi sérfræðingur á Veðurstofu Íslands segir.

Bretar búa sig nú undir hitabylgju sem er sögð vera rétt handan við hornið. Frá þessu greinir breska sjónvarpsstöðin Great Britain News.

Síðastliðinn mars var blautasti marsmánuður í Bretlandi síðustu fjörutíu ára en nú búast veðurfræðingar í landinu við óvenju hlýjum maímánuði.

Frétt af mbl.is

Hlýindi næstu daga

Hlýjan hefur vætu í för með sér

Óli Þór Árnason, veðurfræðingur hjá Veðurstofu Íslands segir að hæð og hlýindum á Bretlandseyjum fylgi oftast hlýindi hér á landi en á móti kemur að þá verður yfirleitt blautt á suður- og vesturlandi.

Hann segir að slíkar hitabylgjur í Bretlandi komi yfirleitt þegar það er hæð yfir landinu og að Íslendingar fái oft sunnanáttir, ef það er hæð yfir norðurhluta Bretlands.

„Til dæmis eins og á sunnudaginn er hæð yfir Skandinavíu sem teygir sig yfir til Bretlandseyja,“ segir Óli. „Og þá dælir hún að okkur mjög hlýju, suðlægu lofti sem er víða 7-12 stig fyrir norðan en gefur okkur væntanlega helling af rigningu á suðvesturandi.“

„Við skulum vona að þeir fái ekki of mikið af hitabylgjum, því þá lendum við í sunnanáttum og rigningum í sumar, þó það sé nú styttra að fara til þeirra en alla leiðina til Spánar til þess að fá gott veður.“ segir hann að lokum.

• 1 blogg um fréttina

Bloggað um fréttina

• Ómar Ragnarsson: "Aukin átök í veðurfari."