Engar umræður hafa verið um að það á alþjóðavettvangi að beita Ísraelum þvingunaraðgerðum vegna átakana fyrir botni Miðjarðarhafs.

Þetta sagði Bjarni Benediktsson utanríkisráðherra í svari við fyrirspurn Kristrúnar Frostadóttur, formanns Samfylkingarinnar, á Alþingi.

Bjarni sagði það almennt hægt að segja um þvingunaraðgerðir að þær hefðu langmest áhrif þegar samtakamáttur ríkja væri nýttur.

„Nú eru ekki umræður um það á alþjóðavettvangi að beita slíkum úrræðum en við höfum ávallt fylgt bandalagsríkjum þegar slíkum úrræðum er beitt og við myndum gera það í þessu. En ég held að einhliða aðgerðir Íslendinga myndu nákvæmlega engum árangri skila heldur jafnvel þvert á móti myndu eyðileggja diplómatíska möguleika okkar til þess að koma okkar skilaboðum á framfæri,” sagði Bjarni.

Palestínumenn á Gasasvæðinu í morgun. AFP

„Þegar spurt er um næstu skref þá segi ég einfaldlega, við munum áfram tala fyrir því að dregið verði úr spennu á svæðinu,” sagði hann einnig og bætti við að áfram verði talað fyrir því mannúðaraðstoð verði komið til þeirra sem eru í neyð.

„Við höfum stóraukið framlög okkar til palestínsku flóttamannaaðstoðarinnar og við munum sækja fundi og láta okkar rödd heyrast.”

Tengdar fréttir

Ísrael/Palestína

Hörð átök á milli nemenda og táragasi beitt

• Krefst þess að Hamas samþykki tillögu að vopnahléi
• Ráðast inn í Rafah óháð vopnahléi
• Auknar vonir um að vopnahlésviðræðurnar beri ávöxt
• Vísa mótmælanemendum úr skólanum

» Fleiri tengdar fréttir

• 1 blogg um fréttina

Bloggað um fréttina

• Axel Þór Kolbeinsson: Það er ýmslegt mögulegt