Íbúa í Grindavík, sem hefur dvalið að næturlagi á heimili sínu þar ásamt konu sinni, var í kvöld hótað handtöku yfirgæfi hann ekki bæinn. Íbúum er einungis heimilt að dvelja í bænum til klukkan 21 á kvöldin.

Rúv greinir frá.

Ólafur Benedikt Arnberg Þórðarson, maðurinn sem um ræðir, hefur dvalið í húsinu sínu ásamt eiginkonu sinni síðustu nætur. Í viðtali við Rúv segir hann lögreglu iðulega hafa ekið fram hjá húsi þeirra að kvöldlagi án þess að hafa afskipti. 

Í kvöld bankaði þó lögreglan upp á og bað hann um að yfirgefa Grindavík. Hann hlýddi þó ekki samkvæmt umfjöllun Rúv. Laust fyrir klukkan ellefu kom lögreglan aftur þá með handtökuheimild. Ákváðu þá hjónin að fara úr bænum.

Hann segist þó ætla að halda málinu til streitu en hann telur enga ástæðu til að banna bæjarbúum að dvelja í húsum sínum að næturlagi.

Tengdar fréttir

Eldvirkni á Reykjanesskaga

Greina breytingar á skjálftavirkni

• Veðurstofan í biðstöðu
• Áframhaldandi skjálftavirkni við Svartsengi
• Rólegt á vakt Veðurstofunnar
• Lengsta lota kvikusöfnunar frá upphafi atburðanna

» Fleiri tengdar fréttir

• 1 blogg um fréttina

Bloggað um fréttina

• Jón Magnússon: Frelsissvipting og valdboð