Vinnuslysið í Grindavík, þegar maður féll í sprungu við störf á svæðinu, er til rannsóknar hjá Vinnueftirlitinu. Stofnunin hefur kallað eftir lögregluskýrslu um málið. Þetta staðfestir stofnunin í svari við fyrirspurn Morgunblaðsins.

Frétt af mbl.is

Vinnueftirlitið rannsakar slysið í Grindavík

Vinnuslysið er í svarinu sagt einstakt því það tengist náttúruhamförum og björgunaraðgerðir hafi staðið yfir í lengri tíma undir stjórn lögreglustjórans á Suðurnesjum, sem fer með aðgerðastjórn á svæðinu.

Rannsókn málsins taki mið af því að vettvangur hafi breyst verulega frá slysi. Mikil leit var gerð á svæðinu en henni var hætt þar sem ekki var talið forsvaranlegt að stefna lífi leitarmanna í hættu. Maðurinn er enn ófundinn.

Tengdar fréttir

Eldvirkni á Reykjanesskaga

Vara við gönguferðum að gosinu

• Nærri tíu milljónir rúmmetra af kviku
• Gylfi Þór ráðinn í samhæfingu vegna Grindavíkur
• Hvorki sést áður hér á landi né annars staðar
• Gígbarmurinn hækkað frá því í gær

» Fleiri tengdar fréttir