Vinnueftirlitið mun vera í samstarfi við lögreglu, almannavarnir og bæjaryfirvöld í Grindavík til að meta stöðuna varðandi öryggi starfsfólks við áframhaldandi vinnu á svæðinu. Vinnueftirlitið hefur það hlutverk að rannsaka vinnuslys „og gildir það einnig í þessu tilviki“.

Þetta kemur fram í svari stofnunarinnar við fyrirspurn mbl.is.

Leit að manni sem óttast er að hafi fallið ofan í sprungu á miðvikudagsmorgun er hann var einn við vinnu við jarðvegsþjöppun eftir sprungufyllingu í Grindavík var hætt í kvöld. 

Hulda Ragnheiður Árnadóttir, forstjóri Náttúruhamfaratrygginga Íslands, sagði í samtali við mbl.is á miðvikudag að vinnu við að fylla í sprungur í Grindavík yrði frestað næstu daga. Úlfar Lúðvíksson, lögreglustjóri á Suðurnesjum, sagði við mbl.is í gær að vinnunni yrði frestað fram yfir helgina.

Hætta í tengslum við skyndilega opnun á sprungum sem hafa verið kortlagðar innan bæjarmarka Grindavíkur hefur verið metin hærri.Slysstaðurinn er merktur á kortið með rauðum punkti. Kort/mbl.is

Frétt af mbl.is

„Erum að senda menn inn í lífshættulegar aðstæður“

„Gildir einnig í þessu tilviki“

Í fyrirspurn mbl.is var leitað svara við því hvort Vinnueftirlitið hygðist skoða þetta mál og hvort stofnunin hefði þegar kallað eftir upplýsingum í tengslum við það. Þá var Vinnueftirlitið einnig spurt hvort það hygðist kalla eftir frekari stöðvun á vinnu í bæjum í ljósi þeirrar hættu sem gæti skapast við skyndilega opnun á sprungum.

„Vinnueftirlitið hefur það hlutverk að rannsaka vinnuslys í þeim tilgangi að koma í veg fyrir að slys endurtaki sig við sömu eða sambærileg störf og gildir það einnig í þessu tilviki,“ segir í svari Vinnueftirlitsins.

Þar kemur einnig fram að stofnunin hafi fylgst vel með gangi mála og verið í góðu sambandi við lögreglu og almannavarnir.  

„Aðgerðarstjórn á svæðinu er í höndum lögreglustjórans á Suðurnesjum og er því miður ekki hægt að veita frekari upplýsingar en þær sem þegar hafa komið fram frá aðgerðarstjórn.“

Frétt af mbl.is

Láta þrívíddarskanna síga niður sprunguna

Tengdar fréttir

Maður féll í sprungu í Grindavík

Nafn mannsins sem saknað er eftir vinnuslysið

• Hætta að leita: „Allt gert sem hægt var að gera“
• Leit að manninum hætt
• Láta þrívíddarskanna síga niður sprunguna
• „Erum að senda menn inn í lífshættulegar aðstæður“

» Fleiri tengdar fréttir

• Blogga um frétt