Millilandaflug: 21 flugferð seinkað hjá Icelandair
Setja bókamerki
Icelandair hefur þurft að seinka 21 flugferð í dag vegna óveðursins. Á bæði við um komur og brottfarir. Ekki er búið að þurfa að aflýsa neinu millilandaflugi.
Þetta staðfestir Ásdís Ýr Pétursdóttir, upplýsingafulltrúi Icelandair, í samtali við mbl.is.
Öllum komuferðum frá Evrópu seinkar um 2-3 klukkutíma, 10 talsins, og lenda vélarnar því í fyrsta lagi eftir klukkan 17.30.
Sömuleiðis seinkar brottförum til Norður-Ameríku um 2-3 klukkutíma, 9 talsins, og eru þær ferðir nú áætlaðir upp úr klukkan 19.
Seinkun á ferðum til Lundúna og Kaupmannahafnar
Einnig seinkar svokölluðum seinniparts brottförum til Lundúna og Kaupmannahafnar, en þær tvær ferðir eru nú á áætlun eftir klukkan 19.
Það var allt á áætlun hjá Icelandair í morgun og var ekki flýtt fyrir neinum flugferðum, eins og flugfélagið Play gerði í morgun.
Ásdís hvetur fólk til að fylgjast vel með stöðu flugferða á vef Isavia en segir einnig að Icelandair sé í virkum samskiptum við viðskiptavini sína.
„Okkur mun ekki bregða“
Telur að Rússar herði sókn sína í norðaustri
Lögregla hafi hvatt til afturköllunar kæru
Kjörseðlar kláruðust: Aðsókn meiri en áætlað var
Krabbameinsfélagið undirbýr mikilvæga rannsókn
Óljóst hvort þyrlan sé fundin
Forsetinn og utanríkisráðherrann látnir
„Söguleg óvirðing sem gleymist aldrei“