Palestínumenn búsettir hér handteknir í Slóveníu

Tveir Palestínumenn búsettir á Íslandi voru handteknir af lögreglunni í Slóveníu fyrir að smygla sjö hælisleitendum. Sæta Palestínumennirnir nú gæsluvarðhaldi í Slóveníu.

Átti atvikið sér stað klukkan 14.45 síðasta föstudag í smáþorpinu Studenec, skammt frá borginni Koper. Palestínumennirnir keyrðu um á Skoda-bifreið sem var með austurrískt bílnúmer.

Kom þá í ljós að í för með þeim voru fimm Sýrlendingar og tveir Egyptar.

Úrskurðaðir í gæsluvarðhald

Báðir Palestínumennirnir eru búsettir á Íslandi, annar þeirra 48 ára gamall og hinn 38 ára gamall.

Komu þeir fyrir rannsóknardómara á laugardag sem úrskurðaði þá í gæsluvarðhald.

Staðarmiðill í Koper í Slóveníu greinir frá þessu í umfjöllun um störf lögreglunnar.

• 2 blogg um fréttina

Bloggað um fréttina

• Birgir Örn Guðjónsson: "Íslendingar"
• Páll Vilhjálmsson: Íslenski hælisiðnaðurinn: mútur og alþjóðlegir glæpir