Þórey Einarsdóttir hlýtur mannréttindaverðlaun Reykjavíkurborgar 2024 fyrir störf sín í þágu jaðarsettra einstaklinga en hún hefur starfað í Konukoti frá opnun þess fyrir tuttugu árum.
Einar Þorsteinsson, borgarstjóri Reykjavíkurborgar, afhenti Þóreyju verðlaunin klukkan 14 í dag á mannréttindadegi borgarinnar og þakkaði henni fyrir mikilvægt starf í þágu heimilislausra kvenna og mannréttinda.
Verðlaunin eru veitt árlega til einstaklinga, hópa, félagasamtaka eða stofnana sem á eftirtektarverðan hátt hafa staðið vörð um mannréttindi. Rauði Kross Íslands og List án landamæra eru meðal þeirra sem hafa hlotið verðlaunin. Handhafi verðlaunanna hlýtur einnig 600.000 að launum.