Týndu kjörseðlarnir fundust í Madríd
Setja bókamerki
Búið er að hafa uppi á týndu kjörseðlunum sem nota átti í utankjörfundaratkvæðagreiðslu Íslendinga sem búsettir eru á Gran Canaria á Kanaríeyjum.
Reyndust þeir vera í flokkunarstöð DHL í Madríd eftir að hafa dottið úr kassanum sem innihélt kjörseðlana. Fóru alls 15 atkvæði á endastöð í Las Palmas af þeim 100 sem send voru upphaflega. Hin 85 atkvæðin urðu eftir í flokkunarstöðinni.
Pakkinn skemmdist
Að sögn Alia Moussa, aðstoðarmanns ræðismanns Íslands á Las Palmas, var pakkinn illa farinn þegar hann komst í hendur starfsmanns ræðismannsskrifstofunnar.
Í framhaldinu var haft samband við DHL. Nú síðdegis tilkynnti fyrirtækið ræðismannaskrifstofunni að hin 85 atkvæðin hefðu fundist í Madríd og væru á leiðinni til Las Palmas á morgun.
„Okkur var sagt að einhver vél hefði skemmt kassann. Við búumst við kjörseðlunum á morgun og getum því endurtekið utankjörfundaratkvæðagreiðsluna á föstudaginn,“ segir Alia í samtali við mbl.is.
Hún segir að í fyrstu hafi fólk áætlað að atkvæðunum hafi verið stolið sökum þess að pakkinn var merktur sem diplómatasending og því hafi einhver freistast til þess að skoða innihald hans.
Fundust á færibandinu
Annað hefur komið á daginn og að sögn Auðuns Sólbergs Björgvinssonar, sölu og markaðsstjóra DHL, sást við skoðun á öryggismyndavélum að pakkinn hafi flækst í flokkunarvél.
„Ég fékk þær upplýsingar frá kollegum okkar á Spáni að plastumslagið flæktist í flokkunarvél sem verður til þess að gat kemur á pakkninguna. Kjörseðlarnir fóru því úr honum og beint á færibandið. Þeir fundust á færibandinu og voru enn innplastaðir. Þeim hefur nú verið komið fyrir hjá öryggisteymi DHL sem mun afhenta þessa seðla í Las Palmas á morgun,“ segir Auðunn.
Ekki mikil hreyfing á hrauntungunni
Dallas valtaði yfir Boston
Búið að ná tökum á eldinum
Meta sakhæfi móðurinnar
Ríkisendurskoðun sögð villa um fyrir Alþingi
