Ólafur Þór í þriðja sæti VG í Kraganum

Ólafur Þór Gunnarsson öldrunarlæknir hreppti þriðja sætið í prófkjöri VG í Suðvesturkjördæmi. Talningu er lokið. 1.178 voru á kjörskrá og greiddu 738 atkvæði eða tæplega 63% þeirra sem voru á kjörskrá. Ógild atkvæði voru 31.

Guðfríður Lilja Grétarsdóttir framkvæmdastýra skipar fyrsta sætið og Ögmundur Jónasson, heilbrigðisráðherra annað sætið.

Tíu gáfu kost á sér í þriðja sætið og fékk Ólafur Þór Gunnarsson 45 atkvæðum meira en sá sem næstur honum kom.

Röð sex efstu manna:

1. sæti Guðfríður Lilja Grétarsdóttir 471 atkvæði
2. sæti Ögmundur Jónasson 526 atkvæði
3. sæti Ólafur Þór Gunnarsson 216 atkvæði
4. sæti Andrés Magnússon 261 atkvæði
5. sæti Margrét Pétursdóttir 290 atkvæði
6. sæti Ása Björk Ólafsdóttir 227 atkvæði

mbl.is/hag

• 2 blogg um fréttina

Bloggað um fréttina

• Guðjón Sigþór Jensson: Frábærir frambjóðendur
• Guðni Gíslason: Reykvíkingar í tveimur efstu sætunum í SV-kjördæmi!!??