Listi sjálfstæðismanna í Reykjavík kynntur

Framboðslisti Sjálfstæðisflokksins í Reykjavík fyrir komandi borgarstjórnarkosningar var samþykktur einróma á fjölmennum fundi fulltrúaráðs sjálfstæðisfélaganna í dag.

Samkvæmt upplýsingum frá Sjálfstæðisflokknum er mikill áhugi á framboðslistanum en á þriðja hundrað manns mættu þegar listinn fyrir borgarstjórnarkosningarnar var kynntur.

Í frétt frá flokknum kemur fram að Hanna Birna Kristjánsdóttir, borgarstjóri leiði listann. Jafnt kynjahlutfall sé á listanum, fimmtán konur og fimmtán karlar. Listann skipi öflugt fólk úr öllum borgarhlutum með margskonar reynslu úr atvinnulífinu og félagsstarfi.  Aldursbil fólksins á listanum dreifist frá rúmlega tvítugu til áttræðs. Vilhjálmur Þ. Vilhjálmsson, forseti borgarstjórnar og fyrrverandi borgarstjóri skipi heiðurssæti listans.
 
Framboðslisti Sjálfstæðisflokksins fyrir borgarstjórnarkosningar 2010:
 

1. Hanna Birna Kristjánsdóttir, borgarstjóri     
2. Júlíus Vífill Ingvarsson, borgarfulltrúi
3. Kjartan Magnússon, borgarfulltrúi 
4. Þorbjörg Helga Vigfúsdóttir, borgarfulltrúi   
5. Gísli Marteinn Baldursson, borgarfulltrúi     
6. Geir Sveinsson, framkvæmdastjóri  
7. Áslaug Friðriksdóttir, framkvæmdastjóri 
8. Jórunn Frímannsdóttir, borgarfulltrúi og hjúkrunarfræðingur     
9. Hildur Sverrisdóttir, lögfræðingur
10. Marta Guðjónsdóttir, varaborgarfulltrúi og kennari  
11. Björn Gíslason, slökkviliðsmaður  
12. Jón Karl Ólafsson, forstjóri
13. Rúna Malmquist, viðskiptafræðingur
14. Árni Helgason, lögmaður og formaður Heimdallar
15. Sveinn H Skúlason, framkvæmdastjóri
16. Ingibjörg Óðinsdóttir, mannauðsstjóri hjá SKÝRR     
17. Óskar Örn Guðbrandsson, framkvæmdastjóri Styrktarfélags krabbameinssjúkra barna  
18. Pawel Bartoszek, stærðfræðingur og kennari við Háskólann í Reykjavík  
19. Jarþrúður Ásmundsdóttir, sérfræðingur   
20. Þorbjörn Jensson, rafvirki  
21. Magnús Júlíusson, verkfræðinemi   
22. Nanna Kristín Tryggvadóttir, háskólanemi
23. Helga Steffensen, brúðuleikhússtjóri    
24. Sindri Ástmarsson, útvarpsmaður og nemi 
25. Ragnhildur Pála Ófeigsdóttir, sérkennari
26. Brynhildur Andersen, húsmóðir
27. Margrét Kr. Sigurðardóttir, viðskiptafræðingur og fjármálastjóri mæðrastyrksnefndar Reykjavíkur
28. Sigurbjörn Magnússon, hæstaréttalögmaður
29. Unnur Arngrímsdóttir, danskennari
30. Vilhjálmur Þ. Vilhjálmsson, forseti borgarstjórnar

Fullt var út úr dyrum þegar framboðslisti Sjálfstæðisflokksins í Reykjavík var samþykktur í dag.

• 4 blogg um fréttina

Bloggað um fréttina

• Þorsteinn H. Gunnarsson: Lýðræðisskekkja í Reykjavík
• Ómar Sigurðsson: Mjög sigurstranglegur listi
• Guðjón Sigþór Jensson: Fjáraustur prófkjöra
• Óskar: Gríðarleg endurnýjun...