Fyrstu kjörstaðir vegna forsetakosninganna opnuðu klukkan níu í morgun. Á kjörskrá eru 245.004 kjósendur og kosið er í sex kjördæmum.
Rúmlega 2.700 manns höfðu kosið í Reykjavíkurkjördæmi suður kl. 11 í morgun, eða 6,02%. 45.567 manns eru á kjörskrá í kjördæminu.
Rúmlega 2.600 manns höfðu kosið í Reykjavíkurkjördæmi norður kl. 11 í morgun, eða 5,85%. Um 45.800 manns eru á kjörskrá í kjördæminu.
Ekki liggur fyrir hversu margir höfðu kosið í Norðausturkjördæmi kl. 11 en 8,16% höfðu kosið á Akureyri. 13.868 manns eru á kjörskrá í bænum.
Rúmlega 2.400 manns höfðu kosið í Suðurkjördæmi kl. 11, eða 6,88%. 35.136 manns eru á kjörskrá í kjördæminu.
Þá höfðu rúmlega 4.500 manns kosið í Suðvesturkjördæmi kl. 11, eða 6,8%. Þar eru 67.478 manns á kjörskrá.
Upplýsingar um kjörsókn í norðvesturkjördæmi liggja ekki fyrir fyrr en kl. 12 á hádegi.