Guðni Th. Jóhannesson hlaut flest atkvæði í öllum kjördæmum í kosningunum í gær og Halla Tómasdóttir hlaut næstmest fylgi í fimm af sex.

Minnstu munaði á þeim tveimur í Suðurkjördæmi, þar sem Guðni hlaut sitt minnsta fylgi, 35,2%, og Halla sitt mesta, 34,2%. Mestur var munurinn i Reykjavíkurkjördæmi suður, eða 15%. Þá hlaut Guðni einnig 14 prósentustigum meira fylgi í Reykjavíkurkjördæmi norður og Norðausturkjördæmi, en það síðarnefnda var það kjördæmi þar sem hann hlaut mest fylgi, eða 45,1%.

Davíð Oddsson hlaut nokkuð jafnt fylgi á öllu á landinu. Minnst fékk hann 11,7% atkvæða í Norðausturkjördæmi en mest í Suðurkjördæmi, 16,7%.

Andri Snær Magnason átti misjafnasta genginu að fagna. Mesta fylgi hans var í Reykjavíkurkjördæmi suður, þar sem hann fékk 23,8% atkvæða, og var því með meira en Halla. Litlu minna var fylgið í hinu Reykjavíkurkjördæminu, eða 19,1%. Í Norðvesturkjördæmi var fylgið hins vegar einungis 7,2%.

Tengdar fréttir

Forsetakosningar 2016

„Kom aldrei til greina að gera lag“

• Eldra fólkið kýs frekar
• Framboð Davíðs kostaði 27,7 milljónir
• Framboð Guðna kostaði 25 milljónir
• Fyrsta heimsóknin hafin

» Fleiri tengdar fréttir

• Blogga um frétt