Tunglmyrkvi að byrja að sjást í suðurhluta Kaliforníu.
Íraskur drengur stekkur út í vatn, rétt hjá hópi af kúm sem þar voru að baða sig.
Börn sofa undir berum himni í Managua í Nígaragva. Jarðskjálftar hafa orðið í landinu að undanförnu og margir misst heimili sín. Um 2.000 heimili hafa eyðilagst, einn látið lífið og um 40 særst.
Sjálfboðaliðar aðstoða í skógareldunum í Chile. Að minnsta kosti 15 hafa látist og margir misst heimili sín.
Maður situr á hækjum sér við rústir húss síns í borginni Valparaiso í Chile. Mörg þúsund manns hafa misst heimili sín í skógareldunum sem þar hafa geisað.
Palestínsk börn stilla sér upp fyrir myndatöku. Tilefnið er brúðkaup ættingja þeirra. Börnin búa í Shati-flóttamannabúðunum í Gazaborg.
Indverskur slökkviliðsmaður sýnir hæfni sína á öryggismálasýningu.
Tunglið yfir sjálfstæðismerkinu í Mexíkóborg. Tunglmyrkvi sást víða í Norður- og Suður-Ameríku í byrjun vikunnar.
Vilhjálmur Bretaprins tók sér krikketkylfu í hönd í heimsókn sinni til Christchurch á Nýja-Sjálandi. Hann er ásamt eiginkonu og syni í 3 vikna heimsókn til Nýja-Sjálands og Ástralíu.
Rigning í austurhluta Þýskalands.
Á þessari samsettu mynd má sjá hvernig tunglið myrkvaðist í byrjun vikunnar. Myndin er tekin í Magdalena í Nýju-Mexíkó. Tunglmyrkvinn sást víða í Norður- og Suður-Ameríku.
Sjálfboðaliðar gæta þinghússins í Kænugarði í Úkraínu. Allt er á suðupunkti í landinu.
Frá hátíð hindúa í Nýju-Delí.
Pílagrími tekur mynd af hurðinni á Sankti Péturskirkjunni í Vatíkaninu. Á hurðinni má sjá marga páfa.
Óeirðir geysa í Suður-Súdan. Liðsmenn Hvíta-hersins tóku bifreið hersins traustataki, þótt skemmd væri. Mikil hætta er á að hungursneyð breiðist út í landinu.
Indverskt barn. Þingkosningar eru hafnar í þessu fjölmenna landi. Kosningarnar munu taka fleiri daga.
Kona sem tilheyrir samtökum íslamista tekur þátt í mótmælum og krefst lausnar palestínskra fanga.
Hópur fólks, klæddur í búninga í anda víkingatímabilsins, sigldi um Thames-ánna í London.
Borgin Aleppo í Sýrlandi er mjög illa farin eftir átökin undanfarna mánuði. Margir hafa fallið og sum hverfin eru rústir einar.
