„Tyrkir eru með sterkt lið til að byrja á. En að stimpla sig inn með sigri á svona liði getur gefið okkur mikið í framhaldinu,“ sagði Heimir Hallgrímsson annar landsliðsþjálfara íslenska karlalandsliðsins í knattspyrnu um Tyrkland, sem Ísland leikur við í undankeppni Evrópumótsins 2016, á Laugardalsvelli 9. september. Heimir og Lars Lagerbäck landsliðsþjálfarar Íslands tilkynntu landsliðshóp Íslands í dag.