Ný rannsókn: Foreldrar líklegri til að vanrækja „ljót“ börn

Þótt sagt sé að hverjum þyki sinn fugl fagur fullyrða kanadískir vísindamenn að foreldrar komi öðru vísi fram við „ljót“ börn. Rannsakað var hversu vel foreldrar litu eftir börnum sínum á meðan þeir voru að versla, og segja vísindamennirnir að börn sem ekki hafi síður verið talin falleg hafi fremur átt á hættu að vera vanrækt.

Frá þessu greinir fréttavefur breska ríkisútvarpsins, BBC.

Það voru vísindamenn við Háskólann í Alberta í Edmonton sem gerðu rannsóknina. Fylgdust þeir með 426 foreldrum og börnum þeirra, á aldrinum tveggja til fimm ára, í stórmarkaði í tíu mínútur í senn. Fylgst var með því hvort börnin væru spennt föst í innkaupakerrurnar og hversu oft þau fóru lengra en þrjá metra frá foreldrunum. Börnin voru einnig flokkuð á skala frá einum upp í tíu eftir því hversu aðlaðandi þau voru.

Í ljós kom að einungis 1,2% barnanna sem vísindamennirnir töldu minnst aðlaðandi voru spennt föst, en 13% „fallegustu“ barnanna voru spennt. Þá kom ennfremur í ljós, að börn sem töldust í meðallagi falleg fengu oftar að fara langt frá foreldrunum.

Dr. Andrew Harrell, sem stjórnaði rannsókninni, tjáir BBC að foreldrar hafi ekki verið hrifnir af þessum niðurstöðum. „Flestir þykir fráleitt að útlit barnanna skipti yfirleitt máli - fólk að minnsta kosti heldur að það geri það ekki ... Aðalatriðið í rannsókninni hjá okkur er að hún sýnir að útlit barnanna skiptir í raun og veru máli. Hann segist halda að ástæðan sé þróunarfræðileg: Foreldrar hugsi ómeðvitað betur um falleg börn vegna þess að þau beri besta erfðaefnið.

Aðrir vísindamenn slá þann varnagla að niðurstöður þessarar rannsóknar hafi ekki verið staðfestar í öðrum rannsóknum. Dr. Nick Barlow, hjá Breska sálfræðingafélaginu, bendir á að fegurð sé afstæð og alltaf spurning um smekk. Þá segir hann, að mörg dæmi séu um að foreldrar barna með Downsheilkenni eða klofna vör ofverndi börnin, og það sé fráleitt til marks um vanrækslu. Segir Barlow að kanadíska rannsóknin sé „hættuleg“. Fólk tali um „hönnuð börn“ og ef ekki sé varlega farið megi búast við að vísindamenn fari að leita uppi gen sem geri fólk bláeygt og með há kinnbein.

mbl.is
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
Flísar og Fúga
Vandaðar flísalagnir. Föst verðtilboð eða tímavinna. Vönduð vinnubrögð og áratug...
STIGAR OG HANDRIÐ ALLAR MÖGULEGAR GERÐIR
Sjá: http://www.youtube.com/watch?v=73dIQgOl2JQ&feature=channel Facebook > Mag...
 
Félagsstarf
Staður og stund
Árskógar 4 Smíðar/útskurður með leiðb. k...
Félagsstarf
Staður og stund
Árskógar 4 Smíðar/útskurður m./leiðb. kl...
Kennarar óskast
Önnur störf
Kennarar óskast Handverks- og hússtjór...
Félagsstarf
Staður og stund
Árskógar 4 Opin smíðastofa kl. 9-16. Sun...