Leikskólamorðleikur tekinn úr umferð

Stilimynd úr leiknum Kindergarten Killer
Stilimynd úr leiknum Kindergarten Killer

Internettölvuleikurinn „Kindergarten Killer“, eða Leikskólamorðinginn, hefur notið vaxandi vinsælda á netinu, en leikurinn gengur út á að spilarinn gangi vopnaður um ganga leikskóla og skjóti á allt sem fyrir verður. Til að komast upp í næsta borð þarftu fyrst að drepa öll leikskólabörnin á deildinni. Leikurinn rataði m.a. á finnska tölvuleikjasíðu fyrir börn, en var fjarlægður þaðan nú fyrir helgi.

„Við höfum fjarlægt leikinn af síðunni okkar þar sem hann er ekki viðeigandi fyrir yngstu fjölskyldumeðlimi,“ sagði í tilkynningu frá síðunni, lastenpelit.fi. Leikurinn vakti talsverða reiði í Finnlandi enda hafa þar tvisvar verið framin fjöldamorð í skólum á tæpu ári.

Hönnuðir tölvuleiksins, leikjasíðan Zombie Slaughter Owns All (ZSOA) verja eftir sem áður tilvist leiksins. „Það sem fólk skilur ekki er að þetta er einfaldlega list sem er innblásin af raunverulegum atburðum,“ segir í tilkynningu frá forsvarsmönnum síðunnar. Þeir vilja ekki taka undir að leikurinn sé ofbeldisfullur. „Þið virðist ekki skilja að við notum kaldhæðni til að fordæma ofbeldi í samfélaginu.  Við erum sjálfir ekki ofbeldisfullir eða geðtruflaðir menn, við settum bara hugmynd sem við fengum í framleiðslu,“ sagði einn talsmaður síðunnar í samtali við vefinn news.com.au.

Tölvuleikurinn hefur einnig ratað hingað til lands og má m.a. finna á síðunni Toppleikir.is

mbl.is

Bloggað um fréttina

HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...
Nagladekk 205/55x16
Til sölu 4. stk. Nagladekk 205/55x16 Upplýsingar í síma: 8935005...
 
Leiðsögumaður
Ferðaþjónusta
Leiðsögumaður óskast Glacier Adventure...
Framhald uppboðs
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristni- boðssalnum. K...