Langlífisgenið fundið

Gen sem japanskir vísindamenn telja sig hafa fundið og ræður langlífi þarlendra, hefur nú einnig fundist í Evrópubúum. Vísindamenn telja að þeir sem bera þetta gen, geti orðið fjörgamlir.

Þýskir vísindamenn við háskólann í Köln, rannsökuðu erfðamengi 388 þjóðverja sem náð höfðu 100 ára aldri og báru saman við erfðamengi 731 þjóðverja af yngri kynslóðinni. Tiltekið gen, FOXO3A fannst í nær öllum þeim sem náð höfðu 100 ára aldri en síður í  hinum yngri.

Niðurstöðurnar þykja renna stoðum undir fyrri rannsóknir, meðal annars sambærilega rannsókn sem gerð var á rúmlega 3.700 japönskum karlmönnum sem náð höfðu 95 ára aldri.

Vísindamenn segja þetta merkilega niðurstöðu þar sem erfðamengi Japana og Evrópubúa séu um margt ólík.

• 4 blogg um fréttina

Bloggað um fréttina

• Rosaleg: 128 og hálfs!
• Snorri Óskarsson: syndin skemmir genin!
• Marinó G. Njálsson: Er þetta langlífisgen eða sjúkdómavarnargen?
• Arnar Pálsson: Langlífi og stjórnun gena