Gervitré til að gleypa koltvísýringinn

Frá vistvænni hraðbraut.
Frá vistvænni hraðbraut.

Uppbygging á skógi úr gervitrjám er ein ákjósanlegasta leiðin til að losa koltvísýring úr andrúmsloftinu, að því fram kemur í skýrslu sem stofnunin Institution of Mechanical Engineers í Bretlandi hefur birt.

Flestar tilraunir til að takast á við loftlagsbreytingar snúa að því að draga úr útblæstri á koltvísýringi. Jafnvel þó að samkomulag náist um að draga úr útblæstrinum um 50% um 2050 er ekki víst að það dugi til að koma í veg fyrir að meðalhiti á jörðu hækki um 2°C fyrir næstu aldamót.

Tækni sem kalla má jarðverkfræði nálgast vandann með öðrum hætti. Í skýrslunni bresku „Geoengineering - Giving us time to act“ eru kannaðar ólíkar tæknilegar leiðir til að takast á við loftlagsbreytinguna. 

Höfundar skýrslunnar fundu út að gerð flugnaspaða-laga „gervitrés“ er álitlegasta leiðin til að draga úr koltvísýringi. Tré af þessu tagi myndu láta loftið fara í gegnum virkið og grípa koltvísýringinn fyrir tilstilli efna sem sérstaka eiginleika á borð við natrínhýdroxíð, öðru nafni vítissóda. Koltvísýringurinn yrði að því búnu fjarlægður og grafinn neðanjarðar á áþekkan hátt og gert er í hefðbundinni bindingu og geymslu á kolefni.

Samkvæmt skýrslunni myndi gerð um 100 þúsund slíkra „trjáa“ þarfnast um 600 hektara lands sem er áþekkt svæði og fer undir birkiskóginn í Vaglaskógi innan girðingar. Þetta umfang myndi duga til að eyða öllum koltvísýringi frá heimilum og samgöngutækjum á Bretlandi.

Í skýrslunni er jafnframt mælt með því að byggingar verði klæddar með þörungum sem einnig myndu gleypa koltvísýringinn með ljóstillífun. Höfundar halda því jafnfram fram að öðru hverju mætti skera þörungana og vinna úr þeim lífrænt eldsneyti. Þriðja tillagan er gera útveggi bygginga þannig úr garði þær varpi frá sér ljósi í meira mæli en nú er.

mbl.is

Bloggað um fréttina

Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...
EIGUM ALLSKONAR STIGA Á LAGER
Sjá: http://www.sogem-stairs.com/stairs/ladders/cottage Sími 848 3215 www.byggi...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
GLÆSILEGT HÚS T LEIGU Í VENTURA FLORIDA
Í húsi sem er v. 18 holu golfvöll eru 3 svh. m. sjónv., 2 bh., 1 wc, stór stofa,...
 
Félagsstarf
Staður og stund
Aflagrandi 40 Opin vinnustofa kl. 9 og b...
Framhald
Nauðungarsala
Uppboð Einnig birt á www.naudungarsolu...
Skipulag
Tilkynningar
Borgarbyggð Skipulagsauglýsingar Sv...
Félagsstarf
Staður og stund
Aflagrandi 40 Opin vinnustofa kl. 9, for...