Leyndarmál alheimsins þurfa að bíða kreppuna af sér

Vísindamenn að störfum hjá CERN
Vísindamenn að störfum hjá CERN Reuters
Þrátt fyrir göfugt markmið öreindahraðalsins alræmda, sem CERN-rannsóknarstofnunin í Sviss starfrekur, þá bítur kreppan á rannsóknum þar eins og öðru. Vísindamenn CERN vara nú við því að einhver bið verði á því að hraðallinn afhjúpi dýpstu leyndarmál alheimsins, vegna niðurskurðar um gjörvalla Evrópu.

Það eru 20 Evrópuþjóðir sem fjármagna CERN stofnunina og hefur fjárhagsáætlun hennar nú verið endurskoðuð með áætluðum 343 milljóna franka sparnaði fyrir árin 2011-2015, eftir að fyrri fjárhagsáætlun upp á 5 milljarða franka fyrir tímabilið var hafnað. Framkvæmdastjóri CERN, Rolf Heuer, segir að niðurskurðurinn, sem nemur um 6,9% af upphaflegri áætlun, muni óhjákvæmilega hafa „áhrif á það hversu fljótt við fáum niðurstöður í rannsóknirnar, en vonandi verður töfin ekki mikil."

Fjárhagsáætlunin verður nú lögð fyrir aðildarþjóðirnar 20 sem þurfa að samþykkja hana, en óttast er að sumar þeirra vilji minnka framlagið jafnvel enn meira og m.a. draga úr launakostnaði með uppsögnum sem gæti leitt til þess að svörin við spurningunum stóru frestast enn frekar.

Öreindahraðallin er í 27 kílómetra löngum göngum um 100 metra neðanjarðar við landamæri Sviss að Frakklandi. Hann er í raun samstæða margra hraðla sem þeyta öreindum í afar sterku segulsviði í göngunum þar til þær nálgast ljóshraða, hinn endanlega hraða efnisheimsins, sem mælist rétt tæplega 300.000 kílómetrar á sekúndu.

Hitinn við árekstur róteindanna er gríðarlegur og skilyrðin lík því sem þau eru talin hafa verið við Miklahvell fyrir 13,7 milljörðum ára. Með tilrauninni vonast því vísindamennirnir til þess að öðlast dýpri skilning á myndun alheimsins, með gleggri sýn á innsta eðli efnisheimsins.

mbl.is

Bloggað um fréttina

* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
UTSALA TOYOTA RAV 4 MODEL 1995 TIL 2000 VARAHLUTIR
Framleiðandi-Toyota Tegund-Jeppi Ár-1995 Akstur-351.000 Eldsneyti-Bensín ...
Olíumálverk eftir Ásgrím Jónsson
Olíumálverk eftir Ásgrím Jónsson, málað í Húsafelli. Stærð ca. 70x63 cm. Uppl í ...
 
Félagsstarf
Staður og stund
Árskógar Hádegismatur, mexíkanskur hakkr...
Vélavörður
Sjávarútvegur
Vélavörður Vísir hf. óskar ef...
Félagsstarf
Staður og stund
Árskógar Opin smíðastofa kl. 9-15. Opið ...
Háseti
Sjávarútvegur
Háseti Vísir hf óskar eftir a...