Losun gróðurhúsalofttegunda jókst

Þrátt fyrir niðursveiflu í efnahagslífi hefur losun gróðurhúsalofttegunda út í andrúmsloftið aldrei verið meiri en árið 2010. Þetta kemur fram í óbirtri skýrslu frá Alþjóðlegu orkumálastofnunni, en breska blaðið Guardian segir frá henni í dag.

Á síðasta ári var losun gróðurhúsalofttegunda út í andrúmsloftið 30,6 gígatonn, sem er aukning um 1,6 gígatonn frá árinu 2009. Þetta er mesta losun sem mælst hefur.

Það kom vísindamönnum á óvart að mesti samdráttur í efnahagslífi sem orðið hefur í heiminum í 80 ár skyldi hafa aðeins minniháttar áhrif á á losun gróðurhúsalofttegunda. Meginástæðan fyrir losun gróðurhúsalofttegunda er brennsla jarðefnaeldsneytis.

Frétt Guardian

• 2 blogg um fréttina

Bloggað um fréttina

• percy B. Stefánsson: Ætlum við að lifa á þessari jörð til framtíðar?
• Torfi Kristján Stefánsson: Líkur á fjögurra gráða hlýnun