Hlýnun jarðar hefur haft skaðleg áhrif á hreindýr á Vestur-Grænlandi, ef marka má rannsókn vísindamanna. Hún hefur orðið til þess að færri hreindýrskálfar fæðast og fleiri deyja áður en þeir komast á legg, að sögn vísindamanna sem skrifuðu í tímaritið Nature Communications. Vísindamennirnir rekja þetta til þess að hlýnunin og bráðnun jökulsins hafi orðið til þess að plöntur, sem hreindýr lifa á, byrja að vaxa miklu fyrr en áður.