Flestum finnst merkilegt að sjá ljón í þjóðgarði, en enn merkilegra er þó að sjá ljón sem er hent nokkra metra upp í loftið. Ian Matheson og sonur hans Oliver urðu einmitt vitni að þessu í Kruger þjóðgarðinum í S-Afríku.
Nokkur ljón höfðu náð að fella buffalóa í þjóðgarðinum, en þegar ljónynja hugðist gæða sér á bráð sinni kom annar buffalói og rak hornin í hana og þeytti henni hátt upp í loft; ekki einu sinni heldur tvisvar.
Dýrin gengu öll lifandi frá þessum hildarleik, en það verður þó að teljast sennilegt að ljónið hafi skaðast af þessar meðferð.