Vísindamenn í Ástralíu reyna nú að finna út tegund risavaxinnar marglyttu, sem skolaði á land í Tasmaníu. Fjölskylda fann marglyttuna á ströndinni í síðasta mánuði. Skepnan er 1,5 m í þvermál.
Vísindamennirnir segjast hafa vitað að þessi tegund væri til en hún hafi ekki verið skilgreind. Lisa--ann Gershwin, sem rannsakar marglyttuna segir hana „sannarlega mikilfenglegt dýr.“
Í frétt BBC segir að Josie Lim og fjölskylda hennar hafi fundið marglyttuna. Þau tóku mynd af henni í fjörunni.
Marglyttan var dauð er hún fannst.