Ungar konur ættu að borða nóg af grænmeti og ávöxtum

Grænmeti og ávextir geta dregið úr líkum á hjarta- og ...
Grænmeti og ávextir geta dregið úr líkum á hjarta- og æðasjúkdómum.

Ungar konur sem borða mikið af grænmeti og ávöxtum minnka verulega líkur á æðasjúkdómum tuttugu árum síðar. Þetta er niðurstaða nýrrar bandarískrar rannsóknar.

Hins vegar virðast karlar ekki græða jafnmikið á grænmetis- og ávaxtaáti. Vísindamenn furða sig á þeirri niðurstöðu en rannsóknin var kynnt á ráðstefnu hjartalækna í Bandaríkjunum.

Rannsóknin var byggð á gögnum frá 2.508 þátttakendum. Hún hófst á níunda áratugnum og var markmiðið að fylgjast með heilsufari 18-30 ára einstaklinga yfir langt tímabil.

Konur sem sögðust borða átta eða níu skammta af ávöxtum og grænmeti á dag er þær voru á þrítugsaldri voru samkvæmt niðurstöðunum 40% ólíklegri til að fá æðakölkun á fimmtugsaldri samanborið við þær sem borðuðu aðeins 3-4 skammta á dag.

„Þetta staðfestir það að æðakölkun þróast á löngum tíma og að hægt er að hægja á henni með góðu mataræði snemma á lífsleiðinni,“ segir aðalhöfundur rannsóknarinnar, Michael Miedema, sem er hjartasérfræðingur við Hjartastofnunina í Minneapolis.

Vísindamennirnir eru hins vegar ekki vissir af hverju sambærilegar niðurstöður koma ekki í ljós hvað varðar karlmenn. Talið er hugsanlegt að þátttaka þeirra í rannsókninni hafi ekki verið næg en aðeins 37% þátttakenda voru karlar.

mbl.is
Trúlofunar- og giftingarhringar í úrvali
Par á mynd 14k með 3x1p demöntum verð 133.900,- Sérsmíði, fjöldaframleiðsla og ...
Yaris Hybrid 2012
Til sölu Yaris Hybrid 2012, ekinn 43000 km. Einn eigandi. Nýtt í bremsum. Verð 1...
Höfuðverkur, endalaus þreyta, svefnleysi
Er með til leigu OZONE lofthreinsitæki ( margir kalla þetta JÓNAR tæki ). Eyði...
 
Deiliskipulag
Tilkynningar
Rangárþing ytra Auglýsing um skipula...
Framhald uppboðs
Nauðungarsala
Uppboð Einnig birt á www.naudungarsolu...
Breyting á aðalskipulagi
Tilkynningar
Auglýsing um skipulag á Akranesi Tilla...
Skipulagsauglýsing
Tilkynningar
Borgarbyggð Skipulagsauglýsingar Sv...