Stærsti snertiskjár heims

Sviðið er stærsti gagnvirki LED skjár sem gerður hefur verið.
Sviðið er stærsti gagnvirki LED skjár sem gerður hefur verið. Nikolai Linares

Danski hönnuðurinn Claus Zier á heiðurinn af sviðinu sem hefur vakið mikla athygli. Zier hefur áður hannað svið fyrir sjónvarpsviðburði og gert svið fyrir X-Factor, The Voice og þá hannaði hann fréttastúdíó DR sem og íþróttastúdíóið fyrir TV2.

Sviðið er risastór teningur sem beinist fram á við líkt og stefni á skipi. Teningurinn getur bæði verið gegnsær eða fulllýstur. Gólfið er gagnvirkt 1.200 fermetra LED skjár sem þýðir að hann er í raun risastór snertiskjár. Þetta er stærsti gagnvirki LED skjár sem gerður hefur verið og er 10 millimetra þykkur. Danir nota 2.810 kastara til að lýsa upp sviðið og þar af eru 1.700 hreyfiljós. 14 sviðsljós eiga síðan að fullkomna hvern einasta keppanda sem stígur á svið.

Hugsað í lausnum

Keppnin í ár fer fram í gamalli skipasmíðastöð, B&W Hallerne, og notaði Zier það sem innblástur. Vatn og siglingar voru honum ofarlega í huga þegar hann sat og teiknaði sviðið. Nota danirnir allra nýjustu tækni til að gera þetta sem glæsilegast. Stundum dugði ekki nýjasta tækni til að skila hlutunum eins og hönnuðurinn vildi og voru búnar til nokkrar tækninýjungar að svo að listamennirnir gætu notið sín sem best.

Stórviðburður með allt stórt

Í fyrra hélt sænska ríkissjónvarpið SVT keppnina og setti markið aðeins lægra en undanfarin ár. Danir héldu ekki áfram á þeirri braut því allt er orðið stórt á ný. „Það var ráðstefna skömmu eftir sigurinn okkar í fyrra. Mér fannst að þetta ætti að vera stórt og mikið. Þetta er þannig viðburður. Ég stakk því upp á þessari skipasmíðastöð þar sem er hægt að vera með allt risastórt. Svið, krana og ljós ásamt því að koma 11 þúsund manns fyrir,“ sagði Zier í samtali við Eurovision-vefinn eurovisionlive.com.

HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Gleraugu - töpuðust í Galtarlækjarskógi
Gleraugu (Ray Ban) Svört spöng - karlmanns - Týndust í útilegu í Galtarlæk þann...
 
Framhald uppboðs
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristniboðs- salnum. R...
Aðalfundur
Fundir - mannfagnaðir
AÐALFUNDUR Aðalfundur Ísfélags Vestmann...
Félagsstarf
Staður og stund
Árskógar 4 Smíðar/útskurður m./leiðb. kl...