CCP tilnefnt til BAFTA-verðlauna
Setja bókamerki
EVE Online tölvuleikur CCP hefur verið tilnefndur til BAFTA-verðlauna. Þetta var tilkynnt í Lundúnum síðdegis í dag.
Fram kemur í tilkynningu frá CCP, að leikurinn sé tilnefndur í flokkinum "Best Persistent Game in 2015", sem þýða mætti sem besti leikurinn í flokki viðvarandi eða varanlegra leikja á árinu 2015.
„Þetta er mikil viðurkenning fyrir CCP og þá sem hafa unnið að gerð og þróun EVE Online síðustu ár að fá þessa tilnefningu. Leikurinn hefur vissulega hlotið margskonar verðlaun frá því leikurinn kom fyrst út, en þessi tilnefning kemur úr annarri átt. Það eitt að vera tilnefnd til BAFTA verðlauna fyrir EVE Online, sem fagnar 12 ára afmæli sínu í ár, er áfangi og viðurkenning. Við erum fyrst og fremst stolt og ánægð með tilnefninguna, svo kemur bara í ljós þann 12. mars hvort við fáum sjálf verðlaunin. Þarna erum við í góðra leikja hópi, og margir stærstu tölvuleikir heims eru tilnefndir í sama flokki og við. En það væri vissulega gaman að koma með eitt stykki BAFTA styttu til Íslands,“ segir Eldar Ástþórsson, upplýsingafulltrúi CCP, í tilkynningu.
Fram kemru, að samkeppnin um sjálf verðlaunin sé hörð, enda nokkrir af stærstu tölvuleikjum heims tilnefndir í umræddum flokki. Þar megi nefna World of Warcraft, World of Tanks og League of Legends.
BAFTA verðlaunin í tölvuleikjum, eða Britist Academy Video Games Awards, verða afhent þann 12. mars í London. Verðlaununum er ætlað að viðurkenna og verðlauna sköpun, tækni og framþróun og í tölvuleikjagerð í heiminum. Bæði einstaklinga og leiðsheilda. Það er liðsheildin (e: Development Team) á bakvið EVE Online sem er tilnefnt til verðlaunanna.
„Hann var lokaður inni í bátnum“
Aldraðir beittir ofbeldi
Guðmundur Fertram tilnefndur
Skoða að taka upp gjaldskyldu á notkun nagladekkja
Þakklátur Kínverjum fyrir friðarumleitanir
Vænta þess að um tímabundið ástand sé að ræða
„Bíð bara eftir að það fari að gjósa aftur“
Urðu ekki vör við kvikuhlaup