Herpes-veiran vinnur á æxlum

Vísindamenn binda vonir við að ný meðferð við húðkrabbameini muni eyða æxlum margra sjúklinga og að hægt verði að bjóða meðferðina innan árs.

Búið er að erfðabreyta herpes-veirunni, sem veldur m.a. frunsu, til að vinna á æxlunum. Búið er að gera tilraunir með meðferðina á sjúklingum sem eru með æxli sem ekki er hægt að taka með skurðaðgerð. Meðferðin gengur út frá að ráðast gegn krabbameinsfrumunum þar sem varnir líkamans eru notaðar til að vinna á sjúkdómnum og draga úr vexti æxlanna.

Hjá einum af hverjum tíu sjúklingum sem meðferðin með herpes-veiruna virkaði á hurfu æxlin að fullu. Hjá 16% sjúklinga minnkuðu æxlin verulega.

Meðferðin var leidd af vísindamönnum Krabbameinsstofnunarinnar í London og fóru prófanir á henni fram í Bretlandi, Bandaríkjunum, Kanada og Suður-Afríku

Sjá frétt Sky um málið.

• Blogga um frétt