Geimgenglar á ferðinni

Sergei Volkov í geimgöngu utan við Alþjóðlegu geimstöðina árið 2011.
Sergei Volkov í geimgöngu utan við Alþjóðlegu geimstöðina árið 2011. NASA

Tveir rússneskir geimfarar eru nú í geimgöngu utan við Alþjóðlegu geimstöðina á braut um jörðu. Tilgangur hennar er að koma fyrir vélbúnaði og vísindatilraunum utan á rússneska hluta stöðvarinnar. Geimgangan á að taka um fimm og hálfa klukkustund. Þetta er önnur geimganga áhafnarinnar á innan við mánuði.

Þeir Júrí Malentjsenkó og Sergei Volkov eru þrautreyndir geimfarar en þeir munu meðal annars ná í tilraun evrópsku geimstofnunarinnar ESA með líffræðileg og lífefnafræðileg sýni sem hafa verið utan á geimstöðinni til að kanna hvernig þeim reiðir af í geimnum.

Þá eiga þeir að koma fyrir tilraun sem á að reyna á þol ýmissa byggingarefna í geimnum og búnaði sem á að auðvelda geimförum hreyfingar utan við stöðina í geimgöngum í framtíðinni.

Aðeins þrjár vikur eru liðnar frá því að bandaríski geimfarinn Tim Kopra og Bretinn Tim Peake fóru í geimgöngu til að sinna viðhaldi á geimstöðinni. Hana þurfti hins vegar að stytta eftir að vatn byrjaði að safnast fyrir í hjálmi Kopra.

mbl.is
Innfluttningur á enn betra verði fyrir alla
Hjálpum fólki að útvega allt frá Bretlandi á mun lægra verði sem viðkemur vinnu...
Til að ferðast með nuddbekkinn
Til að ferðast með nuddbekkinn www.egat.is verð 8900 kr. sími 8626194...
OZONE lofthreinsun tæki til leigu.
Rekur þú hótel/gistihús,þetta tæki eyðir allri ólykt m.a. af raka-myglu-og reyk....
NISSAN bátavélar 110 og 130 hp
Bátavélar 8-130 hp , TD-Marine bátavélar 58 hp á lager, 37 og 70 hp á væntanleg...
 
Framhald
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristni- boðssalnum. K...
Styrkir virk
Styrkir
Styrkir VIRK Virk starfsendurhæfingar...