Hætti í vinnu til að eltast við Pokémon
Setja bókamerki
24 ára gamall Ný-Sjálendingur að nafni Tom Currie sagði í síðustu viku upp starfi sínu og hélt út í heiminn til að klára sitt stærsta verkefni til þessa: Að fanga alla Pokémonana í nýja tölvuleiknum Pokémon GO, sem slegið hefur rækilega í gegn á undanförnum dögum. Má þannig segja að hann sé að feta í fótspor hins goðsagnakennda Pokémon-þjálfara Ash Ketchum sem ferðaðist um heiminn til að verða besti Pokémon-þjálfari heims.
Currie er búinn að skipuleggja ferðalag sitt í þaula og hefur hann pantað rútuferðir um allt land í þeirri von að komast yfir alla 151 Pokémonana sem eru í leiknum. Currie hefur nú þegar heimsótt sex bæi í landinu og samkvæmt frétt The Guardian þegar náð 90 Pokémonum.
Ferðalag Curries hefur vakið mikla athygli og ljóst að margir Ný-Sjálendingar styðja hann. Ferðaþjónustufyrirtæki hafa boðið honum frítt far um landið. Þá hefur honum borist fjöldi kveðja frá öllum heimshornum, meðal annars Indlandi, Bandaríkjunum, Írlandi og Kanada.
The Guardian ræddi einnig við móðir Curries og spurði hana út í uppátæki sonarins. „Tom hefur alltaf verið hvatvís, sjálfstæður drengur. Við amma hans skiljum ekkert í þessum leik en ég man eftir því að hann hafði alltaf mjög gaman af Pokémon þegar hann var yngri. Ég er bara ánægð með að hann sé að elta eigin drauma og fái að heimsækja svona marga staði í Nýja-Sjálandi,“ segir móðirin.
Eina leiðin var að fella björninn
Finnar og Svíar taka ekki á móti særðum frá Gasa
740 milljón króna sígarettusmygl
Glæpastarfsemi orðin mun skipulagðari
Tveir í haldi grunaðir um mansal og smygl á fólki
Of margir nemendur og ákall um hæft starfsfólk
Lögreglan leitar eftir myndefni í tengslum við andlátið