„Týnt meginland“ fannst í Indlandshafi

Eyjan Máritíus er um níu milljón ára gömul. Steindirnar sem ...
Eyjan Máritíus er um níu milljón ára gömul. Steindirnar sem fundust í bergi þar eru mun eldri. Af Wikipedia

Leifar af fornu meginlandi hefur fundist á botni Indlandshafs, undir eyjunni Máritíus. Það voru vísindamenn við Witwatersrand-háskóla í Suður-Afríku sem uppgötvuðu landið forna sem kallað er Máritía.

Vísindamennirnir birtu grein um fundinn í vísindatímaritinu Nature Communications nýverið. Þeir segja að um sé að ræða leifar lands, sem áður tilheyrði Gondwana, ævafornum og risastórum meginlandsfleka sem fyrirfannst fyrir meira en 200 milljónum ára. Berg Godwana er allt að 3,6 milljarða ára gamalt en þetta meginland klofnaði og skiptist síðar í það sem við nú þekkjum sem Afríku, Suður-Ameríku, Suðurskautslandið, Indland og Ástralíu.

Meginland sem varð að hafsbotni

Í frétt CNN um fundinn er haft eftir Lewis Ashwal, prófessornum sem leiddi rannsóknina, að finna megi hluta af fornu meginlandi af ýmsum stærðum víðsvegar á botni Indlandshafsins. 

Hann segir að þegar Godwana klofnaði hafi hlutar landsins þrýst í ólíkar áttir og myndi m.a. hluta hafsbotnsins í Indlandshafi.

Við rannsóknir sínar uppgötvuðu vísindamennirnir m.a. steindina zircon í bergi sem hafði myndast í kjölfar eldgosa á svæðinu. Þeir komust að því að steindin væri of gömul til að hafa orðið til á sama tíma og eyjan Máritíus. „Máritíus er eyja og þar er ekkert berg eldra en níu milljóna ára gamalt,“ segir Ashwal. Steindirnar sem fundust í berginu voru samkvæmt aldursgreiningu hins vegar um 3 milljarða ára gamlar. Áður höfðu slíkar steindir fundist í sandi á ströndum Máritíus. Bergrannsóknirnar nú sýna því í fyrsta sinn með óyggjandi hætti, að mati vísindamannanna, að Máritíus reis úr hafinu ofan á fornu meginlandi.

mbl.is
Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
GLÆSILEGT HÚS T LEIGU Í VENTURA FLORIDA
Í húsi sem er v. 18 holu golfvöll eru 3 svh. m. sjónv., 2 bh., 1 wc, stór stofa,...
SÆT ÍBÚÐ T. LEIGU Í VENTURA FLORIDA
GOLF & SÓL . Til leigu vel búnin & björt 2 svh & 2 bh íbúð á 18 holu golfvalla...
Stálstólar nýklæddir - gæða stólar - sími 869-2798
Er með nokkra gæða íslenska stálstóla, þessa gömlu góðu á 12,500 kr, stykkið, N...
 
Háseti
Sjávarútvegur
Háseti Vísir hf óskar eftir a...
Félagsstarf
Staður og stund
Árskógar Hádegismatur, mexíkanskur hakkr...
Framkvæmdastjóri dómstólasýslunnar
Önnur störf
Framkvæmdastjóri dómstólasýslunnar Stj...
Vélavörður
Sjávarútvegur
Vélavörður Vísir hf. óskar ef...