Erfitt eða nær ómögulegt er að nota leitarvélina Google þessa stundina. Sömu sögu er að segja um YouTube. Samkvæmt vefnum Down Detector virðist sem vandamálið sé víða í Evrópu. Þá hefur fólk lent í vandræðum með að komast inn á Gmail.
Einhverjir hafa einnig átt í erfiðleikum með að nota vafrann Google Chrome í morgun.
Hægt er að komast inn á google.is en vandamálið virðist tengjast Google.com. Mögulega er um svokallaða álagsárás að ræða, þar sem milljónir beiðna um upplýsingar eru sendar út til að hægja á netumferð.
Hér er hægt að sjá hvort ákveðnir vefir eru niðri.