Fyrsta 4K háskerpustöðin í loftið
Setja bókamerki
Fyrsta 4K últra HD myndgæða sjónvarpsútsendingin fer í loftið hjá Símanum í dag en stöðina má finna á rás 50 hjá þeim sem hafa 4K myndlykil félagsins. Um er að ræða tilraunaútsendingu frá sjónvarpsstöðinni InSightTV sem sendir út lífsstílsefni allan sólarhringinn.
„Myndgæðin eru framúrskarandi og á við fjórar háskerpurásir. Heilmikill áferðarmunur er því á myndefninu. Sumir lýsa því eins og fólkið í sjónvarpinu standi við hlið þeirra,“ er haft eftir Davíð Gunnarssyni, forstöðumanni hugbúnaðarþróunar hjá Símanum. Hann segir sérfræðinga Símans hafa nýtt síðustu misseri til að undirbúa sjónvarpsþjónustu Símans fyrir 4K útsendingar.
Haft er eftir Pálma Guðmundssyni, sjónvarpsstjóra Símans, að nýja sjónvarpsstöðin Insight sé ein af fáum í heimi sem bjóði 4K myndefni allan sólarhringinn. „Insight setur fókusinn á fólk í skemmtilegum, ævintýralegum og áhugaverðum aðstæðum víðsvegar um heiminn og hefur þáttaefni frá Íslandi ratað inn á þessa vönduðu stöð.“
Ekki er langt síðan afar lítið var til af 4K myndefni þótt öll helstu merki bjóði orðið 4K sjónvörp. Tæknin er því nokkuð á undan efnisframleiðendum. Pálmi segir úrvalið aukast hratt um þessar mundir.
Davíð Viðarsson var skyndihugdetta
Quang Le: „Rottuskíturinn kom mér á óvart“
Algeng laun 1,4 til 2,2 milljónir
740 milljón króna sígarettusmygl
Vangaveltur gengu lengra en innistæða var fyrir
Tveir í haldi grunaðir um mansal og smygl á fólki
Óvenjuleg tilkynning: 19 í gæsluvarðhaldi
Of margir nemendur og ákall um hæft starfsfólk