Í meiri hættu að verða fyrir mengun inni í bifreiðum

Börn í Bretlandi verða fyrir aukinni mengun þegar þau ferðast ...
Börn í Bretlandi verða fyrir aukinni mengun þegar þau ferðast með bíl miðað við ef þau ganga eða hjóla. AFP

Börn eru í meiri hættu á að verða fyrir áhrifum skaðlegrar mengunar þegar þau sitja í bíl vegna mikillar mengunar sem finnst innan bifreiða. Þetta segir Prófessor Sir David King í grein sinni fyrir The Guardian.

Rannsóknir sýna að hærri mengun mælist innan bifreiða en utan þeirra og eru börn því í aukinni hættu þegar þau ferðast með bíl í skólann heldur en ef þau ganga eða hjóla.

Í kjölfar nýrrar reglugerðar í Bretlandi sem bannar reykingar þegar börn eru í bílnum vekur King athygli á því að fólki finnst enn þá í lagi að leyfa börnunum sínum að anda að sér hættulegum útblæstri í baksætinu á bílum. 

Samkvæmt rannsóknum getur loftmengun haft áhrif á lungu barna og getu þeirra til þess að læra auk þess að hafa skaðleg áhrif á erfðaefni þeirra. Fólk sem ferðast í bílum verður fyrir allt að níu til tólf sinnum meiri mengun en þeir sem ganga eða hjóla og eru börn viðkvæmari fyrir þessari mengun en aðrir. 

Getur mengunin meðal annars haft áhrif á lungu þeirra sem enn eru í þróun og þar með aukið áhættu á lungnasjúkdómum eins og astma. Einnig sýndi nýleg rannsókn í Barcelona að mengun geti haft áhrif á einbeitingu barna og minnkað viðbragðstíma þeirra.

mbl.is

Skoðanakannanir

[ Nánar | Allar kannanir í CSV-skrá ]

Stálvaskur - lítur vel út
Til sölu: Sterklegur stálvaskur. . verð 2000kr Upplýsingar í síma 564-1787 og ...
215/75X16
Til sölu 4st Contenental dekk notuð 215/75x16 undan Ford Transit húsbíl sterk ...
 
L edda 6017101719 iii
Félagsstarf
? EDDA 6017101719 III Mynd af auglýsi...
Fyrirtæki í reykjavík
Önnur störf
Fyrirtæki í Reykjavík óskar eftir ...
Eldri borgarar
Staður og stund
Aflagrandi 40 Dagurinn byrjar á opinni v...
Vélavörður
Sjávarútvegur
Vélavörður óskast! Vélavörð vantar á ...