Augnstýringin „breytir öllu“

„Þetta breytir í rauninni öllu,“ segir Hanna Rún Eiríksdóttir, kennnari í Klettaskóla, þar sem nemendur prufa sig áfram með augnstýribúnað fyrir tölvur. „Maður getur rétt ímyndað sér hvernig það er að hafa ekkert um líf sitt að segja.“ mbl.is var í Klettaskóla og fylgdist með notkun á augnstýringunni.

14 börn á öllum aldursstigum eru nú að læra á augnstýribúnaðinn sem kemur frá Öryggismiðstöðinni og var fyrst tekinn í notkun árið 2014. Markmiðið er að krakkarnir, sem eiga það sameiginlegt að geta ekki tjáð sig með orðum, nái framförum í tjáskiptum. Það er að mestu gert með leikjum sem þjálfa augun, en geta barnanna til að hreyfa þau er misjöfn.

mbl.is fékk að fylgjast með þeim Emmu Lilju, Steina og Leu Jönu þar sem þau nýttu sér tæknina, þau hafa öll góða stjórn á augum en nota hendur sínar ekki markvisst. 

Með því að beina augunum á orð á tjáskiptiborði um stund geta þau valið þau orð sem þau vilja segja. Hægt er að mynda setningar með því að raða orðum saman. Með tímanum verða skilaboðin og fjölbreyttari og auðveldari í framkvæmd.

Árangurinn næst þó ekki nema með mikilli þolinmæði. „Það þarf tíma og maður má ekki gefast upp þó að hlutirnir gerist hægt,“ segir Hanna Rún sem hefur haft umsjón með verkefninu frá upphafi. 

Tæknin er í sífelldri þróun og í Bandaríkjunum er fyrirtæki að þróa talgervil sem byggir rödd sína á hljóðum sem notandinn hefur sjálfur gefið frá sér. Líklega er þó eitthvað í að slík tækni nái hingað til lands og að svo stöddu þurfa krakkarnir að sætta sig við að láta kvenmannsrödd Dóru um að túlka orð sín. Hanna Rún segir að það væri mikil framför ef íslensk börn eignuðust talgervil með íslenskri barnsrödd.  

Tjáskiptiborð, börnin beina augum sínum um stund á þau orð ...
Tjáskiptiborð, börnin beina augum sínum um stund á þau orð sem þau vilja segja. Þarna segir Emma Lilja að sér líki vel að geta tjáð sig með augunum. Skjáskot.
mbl.is
Listakonan í fjörunni
Til sölu stytta eftir Elísabetu Geirmundsdóttur frá Akureyri, sem gekk ævinlega ...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
antik flott innskotsborð innlögp plata
er me falleg innskotsborð,innlögð rós í plötu í góðu standi.fæst á 45,000 kr sí...
SKRIFSTOFUHERBERGI
TIL LEIGU 2 SKRIFSTOFUHERBERGI Á GÓÐUM STAÐ VIÐ SÍÐUMÚLA. ANNAÐ ER AÐ HEFÐBUNDIN...
 
Framhald uppboðs
Nauðungarsala
Uppboð Einnig birt á www.naudungarsolu...
Aðalfundur
Fundir - mannfagnaðir
Aðalfundur Aðalfundur Vör...
Félagsstarf
Staður og stund
Aflagrandi 40 Opin vinnustofa kl 9 og gö...
Félagsstarf
Staður og stund
Aflagrandi 40 Opin vinnustofa kl. 9 og b...