Ragnheiður Elín greiddi atkvæði gegn tillögu um veiðibann

Þingvallanefnd skipa Álfheiður Ingadóttir sem er formaður nefndarinnar, Björgvin G. Sigurðsson, Ragnheiður Elín Árnadóttir, Sigurður Ingi Jóhannsson, Valgerður Bjarnadóttir, Þuríður Backman, Ólafur Örn Haraldsson þjóðgarðsvörður og Hrefna Sylvía Sigurgeirsdóttir sem ritaði fundargerð.  Það skal tekið fram að aðeins Ragnheiður Elín kaus á móti tillögum nefndarinnar um áðurnefnt veiðibann.  Fundargerð nefndarinnar má sjá á eftirfarandi link: http://thingvellir.is/media/21374/397.fundur.pdf

Það sem hefur vakið mesta athygli í þeirri umfjöllun sem á sér stað er að veiðimenn sem tjá sig um málið kannast ekki við nefnd drykkjulæti eða ónæði veiðimanna og þykir þetta foræðishyggja af verstu sort.  Það eru engin haldbær rök fyrir því að banna þessar veiðar og má gera þá athugasemd við störf nefndarinnar varðandi þetta mál að ekki virðist hafa verið nokkurt samráð við neinn forsvarsmann veiðimanna þegar þessi ákvörðun var tekinn eins og áður segir með aðeins einu atkvæði á móti tillögunni.