Heitustu sumarbústaðareldhúsin

Sumarbústaðir landans bíða nú spenntir eftir að það bresti á með sumri og eigendur þeirra flykkist úr á land til að slappa af og njóta sveitakyrrðarinnar. Við rýndum komandi strauma og stefnur í eldhúsum sumarhúsa en það er af nægu að taka og rómantíkin er allt um kring.

Trendin í sumarbústaðarhönnun eru í jarðlitum þetta árið og frönsku áhrifin eru mjög vinsæl. Þá erum við að tala um fallega sveitastemningu þar sem bjartir og náttúrulegir litir eru í fyrirrúmi, shaker framhliðar og "rustic" smáhlutir eins og gamlir kassar og endurunninn viður.

Það er líka sífellt að færast í aukana að fólk máli bústaðina sína og þykir mörgum það breyta ansi miklu enda verða þeir mun bjartari. Hér má hins vegar finna sér góðan innblástur fyrir komandi vorhreingerningu og yfirhalningu í bústaðnum.