Gullkarfi er nýlegur í verslunum landsins en hann þykir einstaklega góður fiskur. Þessi uppskrift er fljótleg og mjög góð en kryddsmjörið er alger nelga!
Uppskriftin er fengin að láni frá síðunni Fiskurímatinn.is
Uppskrift fyrir 4
Tími:25-30 mín.
Innihald:
800 g gullkarfi
500 g ósaltað smjör
250 g panko raspur (japanskur brauðraspur)
2 msk. af kryddjurtum; tarrragon, kerfill, graslaukur og steinselja
2 msk. Ísbúi óðalsostur
1 msk. Tabasco-sósa
1 msk. Worcestershire-sósa
1 ½ msk. hvítlaukur, fínsaxaður
2 msk. sítrónusafi
3 msk. beikon, vel steikt
Salt og pipar
Aðferð:
Blandið saman smjörinu, raspinum, kryddjurtunum, ostinum, sósunum, hvítlauknum, sítrónusafanum og steikta beikoninu. Setjið smjörblönduna á gullkarfann og í eldfast mót og bakið í ofni við 200°C í u.þ.b. 6 mín.