• 450 gr spaghetti
• 1 msk. ólífuolía
• 1 stór laukur, saxaður
• 1 stór græn paprika, söxuð
• 450 gr nautahakk
• 250 gr rjómaostur, við stofuhita
• 80 gr sýrður rjómi
• 120 gr kotasæla
• 1 tsk. hvítlauksduft
• 750 ml marinara-sósa
• 4 msk. smjör
• 250 gr rifinn mozzarella-ostur
• 250 gr rifinn cheddar-ostur
• steinselja til að skreyta með
• salt og pipar eftir smekk

Aðferð

1. Hitið ofninn upp í 180 gráður. Takið eldfast mót og smyrjið. Setjið vatn í stóran pott og látið suðuna koma upp. Bætið þá við spaghetti ásamt örlitlu salti og sjóðið uns það er al dente. Hellið vatninu af og látið spaghettiið bíða í stórri skál. (Gott er að setja örlitla olíu á það svo það festist ekki saman).
2. Hitið stóra pönnu og hafið stillt á miðlungshita. Setjið ólífuolíuna, hakkið, saltið og piparinn á. Eldið kjötið uns það er ekki lengur bleikt eða í um fimm mínútur. Takið kjötið og setjið út í skálina með spaghettiinu. Setjið laukinn og paprikuna á pönnuna og steikið þar til þau eru orðin mjúk í gegn eða í um sex mínútur. Bætið grænmetinu út í skálina með hakkinu og spaghettiinu. Setjið marinara-sósuna saman við og blandið hráefninu vel saman.
3. Næst skal blanda saman í skál rjómaostinum, sýrða rjómanum, hvítlauksduftinu og kotasælunni.
4. Takið því næst eldfasta mótið og setjið helminginn af spaghettiblöndunni í það. Setjið því næst rjómaostblönduna ofan á og síðan afganginn af spaghettiblöndunni. Setjið líka afganginn af smjörinu ofan á og loks allan ostinn. Bakið í 15-20 mínútur eða þar til osturinn er orðinn gylltur og fínn.
5. Takið út úr ofninum og skreytið með steinseljunni.