Breytti nuddbekk í eldhúsbekk
Sigurlaug eða Silla eins og hún er kölluð er listakokkur. Silla heldur úti einstaklega vinsælum útvarpsþætti á Rás 1 þar sem ósjaldan er fjallað um mat.
Golli / Kjartan Þorbjörnsson
Setja bókamerki
Fjölmiðlakonan Sigurlaug M. Jónasdóttir er mikill matgæðingur eins og landsmenn þekkja og veit fátt skemmtilegara en að búa til góðan mat. Aðstaðan þarf þó að vera sæmileg eins og gefur að skilja og brá eiginmaður hennar, Torfi Hjálmarsson, á það snjalla ráð að endurnýta nuddbekk sem var áður í eigu systur hennar og breyta honum í eldhúsbekk í sumarbústað þeirra hjóna við Meðalfellsvatn.
Sigurlaug er að vonum hæstánægð með útkomuna og birti stolt mynd af dýrðinni á Facebook-síðu sinni ásamt þeim orðum að hún hefði tekið við af systur sinni og nú væri hún að nudda í risotto með kjúklingi og sítrónu.
Eldhúsið er algjört æði. Skemmtilega sveitalegt í stíl við bústaðinn og nuddbekkurinn kemur frábærlega út sem eldhúsbekkur.
Ljósmynd/Facebook
Tólf ára drengur illa fótbrotinn
Þurfa að taka myndir áður en goslokum er lýst yfir
Var sofandi þegar slökkvilið bar að garði
Goslok hafa ekki áhrif á vinnuna
Skuldahalinn lengist í Reykjavík
„Þetta þarf að fara að gerast“
