Svona er eldhúsið hjá Kourtney Kardashian

Kardashian-systur hafa komið sér vel fyrir á heimilum sínum og eru óhræddar við að sýna dýrðina enda mega þær stoltar vera. Kourtney Kardashian gerðist svo fræg að prýða forsíðu Architectural Digest-tímaritsins þar sem heimili hennar var skoðað.

Og fallegt var það, því verður ekki neitað. Eldhúsið er auðvitað það sem við höfum mestan áhuga á og það stóð undir nafni. Flottheitin voru mikil og sjálfsagt marga hversdagskokkana sem dreymir um að fá að elda í þessari dásemd.