Svona var lagt á borð fyrir frægasta fólk heims

Met Gala fór fram í Metropolitan 2. maí en Met Gala er haldið á Metropolitan Museum of Art-safninu í New York. Viðburðurinn er sá stærsti og mest áberandi í tískuheiminum hvert ár en mikið er lagt upp úr klæðnaði stórstjarnanna sem viðburðinn sækja sem og alla umgjörð veislunnar. Vogue birti nýlega myndir af borðbúnaði og skreytingum kvöldsins en í ár var japanski hönnuðurinn Rei Kawakubo heiðruð svo leitast var eftir að láta japanska strauma leiða skreytingar kvöldsins. Einnig voru japönsk áhrif áberandi í matseðlinum. Blómin þóttu áberandi falleg og sake-bollarnir komu með skemmtilega skírskotun til Japans. Meðal gesta sem gæddu sér á mat af diskunum voru Rihanna, Gigi Hadid, Katy Perry, Kendall Jenner, Celiene Dion, Courney Love, Gisele Bündchen, Jennifer Lopez og svo mætti lengi telja.

Matardiskarnir eru ákaflega fallegir en þeir kosta 8.400 krónur stykkið og þá má panta hér. 

Hnífapörin eru einstaklega smart og kosta skilding. Þau koma í setti með 24 hlutum og kosta 56.000 krónur. Hnífapörin má sérpanta hér.