Lýðnetið kann ráð við nánast hverju sem er. Við fengum fyrirspurn um hvernig megi ná óþef úr æfingaskóm sem ekki þola þvott. Þar sem sviti og raki eru daglegir gestir í skónum er ekki ólíklegt að auk óþefsins sé hið fínasta bakteríupartý í skónum.
Hér koma nokkur af þeim ráðum sem við rákumst á.
1. Stráið matarsóda í skóna og látið liggja í skónum en efnið dregur í sig óþef. Hellið matarsódanum úr skónum – og/eða ryksugið upp úr þeim fyrir næstu æfingu. Einnig má strá matarsóda í æfingatöskuna með sama árangri (Good Housekeeping).
2. Setjið ferskan sítrónubörk ofan í skóna yfir nótt (WikiHow.com).
3. Nokkrir dropar af teatree-olíu ofan í skóna gefa þeim ferskan ilm en olían þykir einnig mjög sótthreinsandi og holl fyrir líkamann (Wikihow.com).
4. Setja þurrkublöð, nei ekki eins og á bílnum heldur dryersheets líkt og notuð eru í þvott, til að gefa ilm. Setjið eitt blað í hvorn skó yfir nótt. Dryersheets hafa fengist í Kosti og væntanlega munu þau fást í Costco (Howtoremovethat.com).
Lumar þú á fleiri ráðum? Sendu okku endilega á matur@mbl.is