Maramaraskurðarbretti hafa verið ákaflega vinsæl síðustu ár en kosta skilding. Fyrir stærri útgáfur af slíkum brettum er ekki óalgengt að sjá verð frá 15.000 til 25.000 krónur. Við brugðum á það ráð að hringja í nokkur fyrirtæki sem selja marmara og spyrja hvort hægt sé að kaupa afskurð eða láta saga í skurðarbretti en slíkt virðist ekki vera ódýrara. Vissulega má fá minni bretti ódýrari en marmari er dýrt efni og kostar því sitt.
Matarvefurinn er um þessar mundir að taka upp grillþætti fyrir sumarið og var á „punt" rúnti að leita aö smart hlutum til að nota í þáttinn. Okkur var bent á verslunina Signature-húsgögn á Fiskislóð. Þar fundum við þetta fallega marmaraborð sem kostar á 19.920 (er á sumarverði) sem er í raun bara eins og skurðarbretti. Borðið er snilld sem hliðarborð við grillið og er þá í raun skurðarbretti á fótum en skera má beint á borðinu þó passa þurfi að þrífa það vel á milli.