Matgæðingurinn Albert Eiríksson kíkti í Eyjafjarðarsveit fyrir skemmstu þar sem hann krækti í þessa sumarlegu uppskrift sem passar vel með grillmat eða ofan á hrápizzubotna.
„Veitingastaðurinn Silva er steinsnar frá Akureyri til þess að gera og vel þess virði að fá sér bíltúr þaðan, enda er sveitin ægifögur og umhverfið búsældarlegt, blómlegt og minnir svolítið á heitari lönd,“ segir Albert alsæll með túrinn.
Mangó-salsa
1 bolli saxað mangó
1 bolli saxaður ananas
2 msk. sítrónusafi
1 ½ tsk. eplaedik
2 msk. gróft sinnep
¼ tsk. salt
3 hvítlauksgeirar, pressaðir
1 búnt kóríanderblöð, söxuð
¼ bolli söxuð rauð paprika
¼ bolli saxaður blaðlaukur
¼ tsk. cayenne-pipar
Aðferð: Blandið öllu vel saman. Geymist í loftþéttu íláti í ísskáp í 5-6 daga.