Með auknum kaffigæðum sér fólk sjaldnar hefðbundnar kaffikönnur þar sem margir eru nú farnir að kaupa sér frekar kaffivélar sem hella upp á einn bolla í einu. Það er gott og blessað en það fylgir því þó vissulega sjarmi að eiga góða hitakönnu hvort sem er undir heitt kakó, te eða kaffi. Við veisluglaða fólkið höfum einnig lent í því að þurfa að fá lánaða uppáhellingarvél í veislum því lítið gengur að ætla að hella upp á tugi bolla – einn í einu.
Að þessu sögðu var Matarvefurinn á vikulegum smart-rúnti sínum í gær og rakst á þessa fallegu könnu sem sést hér að ofan og kallast Penta Thermos. Kannan er nýjasta meistaraverkið frá hönnunarhúsinu Rosendahl og fæst hjá Epal og Kúnígúnd og kostar rúmar 8 þúsund krónur.
Kannan er mött og kemur í svörtu, gráu og tvílitu en fyrri lína framleiðandans Grand Cru er minni í sniðum og ekki í eins mikilli þrívídd. Þær könnur koma í fleiri litum.
Að því sögðu læðum við hér með myndum af öðrum afar fögrum hitakönnum með því vissulega er samkeppnin um fegrustu könnuna hörð.